Gjert Rognli

Gáivuona multimedia dáiddár, Gjert Rognli, áŋgiruššá identitehta, oskku gullevašvuođa, seksualitehta, jaskesvuođa, áiggi ja sámi kultuvrra ovddas.

[layerslider id=”10″]

Gjert Rognli (r. 1966) orru Oslos, bargá multimediadáiddáriin. Maŋimus jagiid lea son bargan iežas oanehisfilmmaiguin, bácciiguin, govain, girjjiiguin ja neaktimiin. Son adnojuvvo guovllu guovddáš dáiddáriin, ja sus leat nana ruohttasat ja gullevašvuohta iežas riegádanbáikái Olmmáivággái Gáivuonas.

Su dáiddaprošeavttat čadnojit dávjá gullevašvuhtii, oskuvaš gullevašvuhtii, seksualitehtii, jaskatvuhtii, ja sámi kultuvrii.

Rognli geasuha luonddu ja luonddufámuid iežas dáidagii, oktan čujuhusaiguin árgabeaivválaš ja niehkomáilbmái. Son váldá maiddái nieguid/duohtavuođaid ja persovnnalaš dahje dovduičuohcci báikkiide iežas siskkáldas eanadagas movttiideamen go son ohccá cealkaga iežas dáidagis.

Dáidagisttis son dávjá bidjá iežas ja muitalusaid mat vulget iežas teáhtera, scenografiija ja arkitektuvrra vásáhusain. Rognli gaskkusta visuálalaš sáttasáni cuiggodeaddji ovdáneami birra das movt mii olbmot eallit iežamet eallima, ja min gaskavuohta elliide ja jápmimii.

Rognli lea ožžon máŋggaid stipeanddaid riikkaidgaskasaš bálkkašumiid go lea bargan oanehisfilmmaiguin ja govaiguin, ja sus leat leamašan máŋga sierra- ja kollektiivvalaš čájáhusat sihke sisriikkalaččat ja olgoriikkain, e.e. čájáhusain Louvre Museas Parisas. Moanat ásahusat leat oastán su dáidagiid.

Son lea bargan máŋggaid Norgga deháleamos kulturásahusain nugo mat NRK:s, Nationálateáhteris, ja lávdehábmen sadjásažžan Olympiagilvvuin Lillehammeris.

https://youtu.be/XFa5-rJxPqY

Čoahkkáigeassu filmmas: Luonddu čuožžileapmi, rašes eallin, máhcaheapmi ja midjiide mearriduvvon áigodat. Eallimis mii galget ovttastallat luondduin. Bákčasat ja morrašat min áigebájis, ja oaivila áibbašeamis, ja vuoiŋŋalašvuođa ohcama olbmosielu bakte ja agálaš eallima áibbašeapmi.