Guovvamánu 6. beaivvi ávvuduvvo álbmotbeaivi Norggas, Ruoŧas, Suomas ja Ruoššas. Beaivi gohčoduvvo dárogillii sihke Samefolkets dag ja Samisk folkedag.

Sámeálbmotbeaivi ávvuduvvo vuosttaš sámi riikkačoahkkima muitun mii lágiduvvui Troandimis guovvamánu 6.beaivvi 1917:s. Vuohččan deaivvadedje sápmelaččat miehta Sámis dainna áigumušain ahte áigo bargat ovttas oktasaš sámi áššiiguin rájáid rastá. Sámi álbmotbeaivi mearriduvvui jagi 1992 Sámekonfereanssas, ja ávvuduvvui vuosttaš geardde jagi 1993:s.

Sámi leavga

Sámi leavga lea dehálaš symbola sámeálbmotbeaivvi ávvudeamis. Leavgga lea sámi dáiddár Astrid Båhl Ivgobađas eret Davvi-Romssas hábmen. Leavga dohkkehuvvui 13. Sámekonfereanssas jagi 1986:s. Leavgga motiiva lea vižžojuvvon meavrresgáris ja divttas «Beaivvi bártnit» man lullisápmelaš Anders Fjellner lea čállán. Divttas govviduvvojit sápmelaččat beaivváža bárdnin ja mánu nieidan.

Sámi soga lávlla –sámi álbmotlávlla

Sámi soga lávlla mearriduvvui sámi álbmotlávllan Sámekonfereanssas Åres jagi 1986:s. Teaksta lea dikta man Isak Saba lea čállán, ja almmuhuvvui Ságaid Muitaleaddjis jagi 1906:s. Arne Sørli lea bidjat šuoŋaid. Teaksta lea jorgaluvvon davvisámegielas eará sámegielaide.

Tekst til Sámi soga lávlla – Samefolkets sang på samisk og norsk