Davvi-Romssa guollemáliid ráhkadanneavvagat.

Guhppármális, Gáivuotna

Goikebiergodákti
Goikebiergu
2-3 meađđema
Nisojáffut
Roavva nisojáffut, roavvát millejuvvon
Hávvarrievnnat
Sálttit ja bihpporat

Duolddat goikebiergodávtti ovtta diimmu. Liema anát mális.
Guhppárat: Seagut jáfošlájaid ja hávvarrievnnaid máistagiiguin, ja seagut meađđemiid ja goikebiergobihtáid. Bija guhppáriid lipmii basttiin ja divtte fiidnát duolddadit sullii 20-25 minuhta.

Guhppármális 2, Gáivuonas

Sullii 1 gilo meađđemiid
1 smávva gohppu mielki
1 moni
Sáltti ja bihpporiid
sullii 1 1/2 gohpu rohkajáffuid
3 gohpu nisojáffuid

Seagut meađđemiid ja mielkki bures oktii, seagut dasto moni, ja joatkke seaguheames. Bija dasto jáfuid, sáltti ja bihppora. Seagut goikebiergobihtáid.

Bija lávkki, rušppiid, veaháš náppoža, goikebierggu ja buđeittat mállásii. Duolddat seaguhusa. Bija dáiggi mállái basttiin, ja buđeittaid vel loahpas. Duolddat sullii diibmobeali maŋŋil go buđeittaid leat bidjan mállái.

Sallitrievdnamális

4-5 ráidnejuvvon, sáivaduvvon spihkensallidiid
Sullii 3 l čáhci
2 bb. risenrievnnat
Buđeitat
Rušppiid
Veaháš cáhppojuvvon goikebiergu

Duolddat čázi, ja bija bierggu go čáhci lea dulden. Duolddat sullii diibmobeali. Biija risenrievnnaid, buđeittaid ja rušpiid. Divtte duoldat sullii diibmobeali. Cábat sallida bihtáide, ja bija daid gásterolii. Duolddat viidáset sullii 15 minuhta. Guossot beasseláibbiin.

Guolleguhppármális, Årviksand báikkis

Ferdne guoli. Seagut lávkki, jáfuid, sáltti ja bihpporiid. Njárbut milkkiin dahje guolleliemain. Seagut goikebierggu ja duolddat guhppáriid. Vuošša biergomállása goikebiergolađđasis (sávzzabiergu) ja seagut risenrievnnaid dahje hávvarrievnnaid. Bija velá buđeittaid ja vejolaš eará ruotnasiid. Duolddat guhppáriid sullii 15 minuhta.

Dát mális ráhkaduvvui maiddái Návuonas.

Báldámális, Návuonas

Báldádávttit
Bálddesčaskát
Veaháš hávvarrievnnat
Sálti ja bihpporat
Buđeitat
Návrraš

Vuošša dávttiid ja bálddesčaskáid. Bija buđeittaid, ruotnasiid, hávvarrievnnaid, sáltti ja bihppora. Guossot beasseláibbiin.

Hávgamális / Báldámális, Skiervá

Hávga dahje bálddis
Sullii 2 lihtara čázi
1 gohpu hávvarrievnnat
Buđeitat
Rušppiid
Gállá
Lávki
Sálttit ja bihpporat

Váldde čuoma eret guolis, ja divtte leat sáltečázis  sullii guokte diimmu. Go mális lea measta giksan, de bijat guollečaskáid mállái. Divtte duldestit ja dasto giksat sullii 10 minuhta. Seagut sálttiid ja bihpporiid máistu mielde